Ekspozita “Fëmijët e Evropës” prezanton një seri punimesh në teknikën e pikturës krijuar nga studentët e Art Studio Kavalet.

Studentët kompozuan punimet e tyre mbi bazën e interesit të krijuar nga një seri tematikash në lidhje me ambientin, natyrën, traditën, sportin dhe argëtimin.

Veprat e krijuara me shumë dashuri dhe përkushtim nga studntët e artit janë mëshirimi i dëshirave e aspiratave të tyre, duke i përshtatur ato në krijimet e ndryshme artistike me mjë trajtim të veçantë individual.

Në këto punime spikasin veçanërisht përdorimi i ngjyrave potente dhe me shumë dritë. Perdorimi i teknikës mikse i bën akoma më tërheqëse krijimet e tyre duke i dhënë një frymë artistike bashkëkohore.